www.DOGRU.tv - Onlayn Televiziya » Xəbər Lenti » Cahangir Hacıyevə məxsus hərbi ayaqqabıların istehsalçısı MMC bağlandı

Cahangir Hacıyevə məxsus hərbi ayaqqabıların istehsalçısı MMC bağlandı

Bölmə: Xəbər Lenti
Cahangir Hacıyevə məxsus hərbi ayaqqabıların istehsalçısı MMC bağlandı

Azərbaycanda hərbi ayaqqabıların istehsalçısı olan BOT MMC fəaliyyətini müvəqqəti dayandırıb.


“DTV.AZ” xəbər verir ki, bu barədə AzVision.az-a şirkətin baş mühəndisi Mahmud Babayev məlumat verib. O, bildirib ki, şirkətin fəaliyyətini dayandırması sifarişin olmaması ilə bağlıdır.

“Dövlət Sərhəd Qoşunlarının keçirdiyi tenderin qalibi olduq və onlar üçün ayaqqabılar hazırladıq. Bundan sonra sifariş verən olmayıb. İndi tender gözləyirik. Əgər olarsa iştirak edəcəyik. Qalib olsaq yenidən fəaliyyət göstərəcəyik. Bu gün isə faəliyyətimizi dayandırmışıq”.

Şirkət rəsmisi daha sonra qeyd edib ki, Müdafiə Nazirliyi tender keçirmir: “Müdafiə Nazirliyi tender keçirsəydi iştirak edərdik. 15 il bizim fabrik Müdafiə Nazirliyi üçün ayaqqabı tikib”.

Onun sözlərinə görə, şirkətin 300-ə yaxın əməkdaşı işsiz qalıb.

Qeyd edək ki, mətbuatda çıxan yazılarda BOT MMC-nın rəhbərinin Azərbaycan Beynəlxalq Bankının keçmiş sədri Cahangir Hacıyev olduğu bildirilir. BOT MMC 1998-ci ildə 4 nömrəli Bakı ayaqqabı fabrikinin bazasında yaradılıb. BOT MMC Azərbaycan Respublikasının güc strukturları üçün hərbi və xüsusi təyinatlı ayaqqabıların istehsalçısı olub.