SON DƏQİQƏ

"Xalq artisti sərxoş və yarıçılpaq olan xalq, ayılacaqsanmı?.."

Tarix:6-12-2019, 16:16

"Bu həm də Qurana əl basmış və həmin adın ona layiq görülməsi ilə bağlı sərəncama imza atmış Prezidentə hörmətsizlik deyilmi?..”
Fikir savaşı...
Sultan Laçın

 

Bu yaxınlarda  "xalq artisti” adı verilmiş Röyanın efirə  içkili çıxmasını etiraf etdiyini biləndə ağlıma ilk gələn fikirlər bunlar oldu: 

"Xalq artisti sərxoş və yarıçılpaq olan xalq,  nə gündəsən, nə vaxtsa ayılacaqsanmı?.. Yox, deyəsən, biz özümüz də, hamımız  25 ildir sərxoşuq, sərxoş olmasaq, ayıq olsaq, nəinki torpaqlarımızın, qeyrətimizin, namusumuzun, milli ruhumuzun işğalına dözməz,  hamılıqla "bəsdir!”, "durdurun bu xəyanətləri!”-deyə hayqırardıq...”

***

Dar düşüncəlilər, yalnız öz nəfsinin, şəhvətinin ardınca qaçanlar üçün röyalar, brilyantlar, aygün kazımovalar, rozalar, toliklər, samiraldolar və digərlərinin teleekranlardan, saytlardan milyonlarla vətəndaşa, xüsusən uşaq, yeniyetmə və gənclərimizə nümayiş etdirdiyi "incəsənət”- geyim, davranış, həyat tərzi  Azərbaycanımızın varlığı və gələcəyi üçün elə bir əhəmiyyət daşımır... Amma əslində bu məxluqlar artıq bir fərd yox, ictimai-ideoloji-ruhi şeytani bir güc olaraq on illərdir ki, bizlərə, övladlarımıza anti-milli bir əxlaq aşılayır, birbaşa bu xalqın ailə, ağsaqqallıq, ağbirçəklik institutlarının məhvinə xidmət edirlər...  Fəqət, əksəriyyət susur. Çünki və nə yazıqlar ki, çoxları mason freydizminin "insanı cinsi şəhvət idarə edir” nəzəriyyəsinə uydurularaq  milli kişilik, qadınlıq müqavimətini itirib... Bəziləri isə  bunu dərk etsə də, "əşşi, nəyimə lazım, ağrımayan başıma niyə buz bağlayım” kimi ənənəvi "milli” düsturlarla yaxasını kənara çəkir. Bunlar o dərəcədə  başımıza mindirilib ki, hətta bu  "şou-biznes əhli”nə söz deməkdən qorxanlar, ehtiyat edənlər də var...

*** 
Bir para "ağıllı”lar yazımıza ağız büzəcək ki, əşşi, Röyanın xalqa, millətə, siyasətə, Qarabağa nə dəxli var e; oxuyur, biz də ləzzət alıb qulaq asırıq da... Xeyr, əzizlərim, çağdaş dünya siyasəti məhz qadından, ona yalnız şəhvət, ləzzət, həm də reklam obyekti kimi baxmaqdan başlayır... Ermənilər Kim Qardaşyan kimi super-fahişə ilə necə murdar siyasət yürütməyə çalışdıqlarını görmürsüz? Amma bizə - müsəlman, türk xalqına  qızlarımızı, qadınlarlarımızı fahişəliyə alışdırıb onlardan maddi qazanc, siyasi maraqlar üçün yararlanmaq yaraşarmı?.. Nə yazıqlar ki, son 3 oniillikdə bu proses gözümüzün qarşısında apaçıq gedir...

***

Sizcə, boş yerəmi 1994-cü ilin "atəşkəs”indən bəri  telekanallarda və konsert salonlarında zərif cinsdən yarıçılpaq geyimli məxluqların, ardınca da kişi-qadın olduğu bilinməyən əxlaqsız tiplərin yağışdan sonra göbələk kimi çoxalması təsadüfdürmü? Xeyr, bu, bütün planet üzrə super güclərin apardığı, bəşəriyyətin hər bir milli, dini, mənəvi, əxlaqi dəyərdən uzaq olan amorf, müti bir kütləyə çevrilməsi və  nəticədə "Vahid Dünya Dövləti” qurulmasına yönəldilmiş qlobal bir proqramının tərkib hissəsidir. Azərbaycanda isə bu layihənin xalqı tam manqurtlaşdırmaqdan əlavə, əsas məqsədlərindən bəri insanların, xüsusən kişilərin başını qatıb düşüncələrini tamamilə şəhvət, tamah istiqamətinə yönləndirərək işğal altındakı torpaqlarımızı, Qarabağı, Şuşanı, Laçını, Kəlbəcəri... unutdurmaqdır... 

***

Bizim sovet dövründən sonra "yeyib-dağıtmaq” azadlığına çıxmış yekə məmurlar da çox asanlıqla həmin anti-milli layihənin şərtlərinə uyaraq xalqın əxlaqını pozan məxluqların, fahişələrin, homoseksualların və s. arxasnda dayanıb onlara sponsorluq və hamilik etməyə başladılar. Onlara telekanallarda, radio, qəzet və saytlarda geniş meydan verildi...

***

Bu "əxlaq ulduzlar”ını bizlərə "Overton pəncərəsi”ndən göstərməklə onların yarıçılpaq, geyim, davranış,  gündə bir məşuq, oynaş dəyişməklə, əyyaşlıq, narkomanlıqla müşayiət olunan həyat tərzini övladlarımız, nəvələrimiz üçün adiləşdirməyə başladılar. Elə Qarabağın yoxluğuna, "ermənilərə məxsusluğuna” da bizi bu "pəncərə” vasitəsilə öyrədirlər...

***

Nə yazıqlar ki, özünü Azərbaycan, türk(!), talış(!), kürd(!), avar(!), ləzgi(!), tat(!), müsəlman kişisi adlandıranların, hətta "ağsaqqal”ların xeylisi teleekran, yaxud konsert salonlarında fahişələri görəndə oğlunun-qızının, nəvə-nəticəsinin gələcək taleyini düçünmək əvəzinə, binamuscasına ağzının suyunu axıdır,  onların ifasından, sənətindən çox,  yarıçılpaq (hətta internetdə tapılması çətin olmayan lüt foto və videolarından) görüntülərindən ləzzət alır,  bu fahişələrə fizioloji olaraq qovuşmağa çalışırlar...  

***
Nə yazıqlar ki, bizim bir para "xalq şairi” adı alan "ağsaqqal”lar da arağın, pivənin küpünə girməklə  digər "ağsaqqal”lara və "incəsənət” xadimlərinə   nümunə göstərir... Belələrinin həyat tərzi "kişi siqaret çəkər, araq içər”, "kişi bazlıq edər” kimi anti-bəşəri, anti-milli devizlərlə qurulub...

***

Yazıqlar olsun! Min dəfə yazıqlar olsun!.. Həmişə demişik, ermənilər Qarabağı qızları, qadınları və tut araqları, konyakları hesabına Azərbaycan kişiliyini, Azərbaycanın ruhunu ələ aldıqdan sonra işğal edə bildilər... Sovet dövründə hər nazirin, katibin bir erməni katibəsi, məşuqəsi olmalıydı, yoxsullar belə tut arağından içib ermənilər yaşayan məkanlara cumurdu... Və bu gün artıq ermənilər qızlarının fahişəliyini, kişilərinin sərxoşluğunu  hələki əlimizdə qalan torpaqlarda içimizə yeridiblər...  Bu gün düşmənlərimiz Qarabağın əksər hissəsinin əllərində olaraq xristianlaşdırılması ilə yanaşı, Azərbaycan, türk, müsəlman qadınının, kişisinin içkiyə, narkomaniyaya, fahişəliyə, zinakarlığa qurşanmasından da ləzzət alır... Çünki "quşları”mızın sorağı Dubaydan, Monte-Karlodan gəlir... Burda da "incəsənət” ustaları  ermənilərin qədim sənətinin xalqa aşılanması istiqamətində işlərini uğurla davam etdirirlər....

***

Ey özünü müsəlman, əksəriyyəti türk hesab edən Azərbaycan xalqı, sənin törəndə: türkün, talışın, kürdün, ləzginin, avarın, tatın milli, dini adət-ənənəsində qadının, qızın yarıçılpaq geyinib sərxoş vəziyyətdə meydana çıxması varmı?  İki gündən bir nəinki ər, məşuq dəyişib bununla açıq-açığına fəxr etməsi varmı?.. 

***

Diqqətlə əksəriyyət qız və qadınlarımızın zahiri geyiminə, kişilərimizin davranışına, həyat tərzinə baxın: bizimkilərin dünən yeniyetmə qızlarının bakirəliyini itirməsinə, kişilərinin əyyaşlıq edib küçələrdə yatmasına, arvadlarının fahişəliyinə göz yummasına lağ etdiyimiz erməni, rus, fransız, nə bilim holland kişisi, arvadı ilə fərqi varmı?..

***

Mədəniyyət Nazirliyindən, istənilən dövlət, hökumət qurumundan kim yazdıqlarıma etiiraz edirsə, buyursun, gəlsin qaçqın kimi yaşadığım yataqxanadakı komama, bir çayımı içsin, müzakirə edək, bəndənizə sübut etsin ki, bu cür manısların geyimi, gecimi, davranış, həyat tərzi Azərbaycan Respublikası Prezidentinin, 1-ci Vitse-prezidentin dilindən düşməyən milli, dini, mənəvi, əxlaqi dəyərlərimizə uyğundur. Yoxsa deyəcəksiniz ki, elit ailələrimiz də ermənilərin, eləcə də Avropanın, Amerikanın namus-qeyrət bilmədən yaşamaq mədəniyyətini çoxdan qəbullanıb, sizin xəbəriniz yoxdur...

***

Ey milli mədəniyyətdən, incəsənətdən, ədəbiyyatdan, milli-mənəvi dəyərlərdən. əxlaqdan ağızdolusu danışan rəhbərlər, məmurlar, xalq artistinin yüz minlərlə tamaşıçının qarşısına yarımlüt, üstəlik, sərxoş vəziyyətdə çıxması öncə həmin adın ona layiq görülməsi ilə bağlı sərəncama imza atmış, Qurana and içmiş  ölkə Prezidentinə hörmətsizlik deyilmi?..

***
Demirik ki, ölkədə dini, teoloji  bir hakimiyyət qurulsun, hamı zorla qara çarşablara bürünsün. Qərbin sırıdığı demokratiyanı bəhanə edirsinizsə, yaxşı, kim necə istəyir, geyinsin-geçinsin, yesin-içsin, gəzsin-dolansın. Amma milli(!), islami(!) dəyərlərimizə, mənəviyyat və əxlaqımıza zidd  həyat tərzi sürənlər media, televiziya  vasitəsilə   xalqa nümunə kimi sırınmasın, onlara fəxri adlar verilməsin, onlar cəmiyyətin elitası, aristokratiyası kimi bəslənməsin... Dövlət, hökumət, dini qurumlar da, aparıcı siyasətçi, ziyalı və din xadiimləri də fahişələri, geyləri təbliğ etmək əvəzinə, məqamı gəldikcə onların həyat tərzini kəskin tənqid etsin, yeniyetmə və gəncləri belələrindən nümunə götürməkdən çəkindirsin. Xalqını gerçəkdən sevən, Vətənini qorumaq, işğal altındakı torpaqlarını azad etməyə çalışan milli(!) rəhbərlik bu mövqeni tutmalıdır... 
 
***

Və kimsə elə düşünməsin ki, bizlər gerçəkliyi dərk etmir və "fanatikcəsinə” "va-bank” gedirik. Gözəl bilirik ki, Röya və onun kimilərin fanatları, aşiqləri küçədə-dalanda bizə hücum da təşkil edə, hər şey əl ata bilərlər. Yaxşıbilirik ki, sabah Röya və onun kimilər utanb-qızarmadan bizləri məhkəməyə versə, onu müdafiə edəcək böyük bir kütlə meydana çıxacaq. Milli qeyrətdən, namusdan uzaq bu manıs, tamaşaçı, dinləyici kütləsi belələrini Azərbaycanın "nümunəvi bir qadın”ı, "tayı-bərabəri olmayan sənətçisi” olan bir "xalq artisti” kimi təqdim edərək bizləri üzr istəməyə vadar etməyə çalışa bilərlər. Gözəl... Məhz bu məqamda kimlərin yuxarıda təsvir etdiyimiz anti-milli layihələrin arxasında dayandığını, kimlərinsə gerçəkdən xalqın, milli dəyərlərin yanında olduğunu biləcəyik... Kimlərin villaları, cipləri, uçaqlarıyla harınlamış yarıçılpaq bir sərxoşun arxasında durararaq yataqxanalarda, kirələrə sığınıb milli maraqları qorumağa çalışan  yazarların üzərinə gələcəyini, kimlərinsə onları qoruyacağını görəcəyik...   

***

Bir sözlə, biz bir vətəndaş, müsəlman, türk olaraq belə məxluqlara fəxri adlar verilməsini, onların həyat tərzinin, əxlaqının cəmiyyətə aşılanmasını özümüzə təhqir sayırıq. Biz övladlarımızın, nəvə-nəticələrimizin bu namussuzlara bənzəməsini istəmirik...

***

Bu çağırışımızın nəticəsiz qalacağını bilsək də belə, biz Allah, xalq qarşısında haqq sözümüzü deməklə öz borcumuzu yerinə yetirik. Gerisini Rəbbimiz Özü bilər..

***

Və biz hər bir sözümüzün arxasındayıq.  Eybi yox, yeri gəlsə, məhkəməni də, lap zindanı da haqq uğrunda mübarizə meydanına çevirərik...

***
Bu məqamda Peyğəmbərimiizin  bir gözəl kəlamı yadıma düşdü: 

"Əgər dünyada tək qalsam belə, mənimlə heç kim olmasa da, yenə də Allah-təalanın mənə əmr etdiyi kimi edərəm. Zalim və sitəmkarla mübarizəmi sonacan apararam. Təki, Allah-təalanın razılığını qazanım...”

Tanrı cəmi müsəlmanları və xalqımızı qorusun!

Sultan Laçın

скачать dle 10.6фильмы бесплатно

FACEBOOK ŞƏRH

SON XƏBƏRLƏR

ÖLKƏ İÇİ