SON DƏQİQƏ

Dustaqlar üçün telefon necə keçirilir?

Tarix:26-09-2018, 23:08

2017-ci ilin oktyabrında Lənkərandan məhkəmədən Bakıya qaytarılarkən qatardan qaçmış dustaq Etibar Məmmədov təcridxanada saxlansa da, istədiyi adamlarla istədiyi vaxt mobil telefonla danışırmış. Hər halda, dustaqların qaçmasıyla bağlı keçirilən məhkəmə prosesində elan edilən cinayət işinin materiallarından bu məlum olur.

Bu materiallara görə "Qoca" ləqəbli Etibar Məmmədov gecə saatlarında müğənni Fədayə Məmmədova (Laçın) ilə birdəfəyə, hətta bir saatdan artıq telefonla danışıb. İndi məhkəmə Etibar Məmmədovun bu imkanı necə əldə etdiyini araşdırır.

Sentyabrın 26-da Bakı Ağır Cinayətlər Məhkəməsində bu iş üzrə keçirilən iclasda hakim bildirib ki, 1 saylı Bakı istintaq Təcridxanasına sorğu göndəriləcək.

Təcridxana rəhbərliyi cavab verməlidir ki, dustağa mobil telefonu kim və necə çatdırıb? Necə olub ki, dustaq aylarla mobil telefondan istifadə edib, nəzarətçilərin bundan xəbəri olmayıb?

Bu cinayət işilə əlaqədar istintaq vaxtı prokurorluqda dindirilmiş bəzi adamlar məhkəməyə gəlməkdən imtina edirlər. Onların haqqında məcburi gətirilmə qərarı çıxarılıb.

Məhkəmə oktyabrın 3-də davam edəcək.

Xatırlatma

Bu cinayət işi üzrə 13 nəfər həbs olunub. Onların arasında Penitensiar Xidmətin Konvoy taborunun komandiri, polkovnik Bəhruz Abdullayev, qarovul rəisi Ceyhun Səmədov, onun müavinləri, müğənni Fədayə Laçın, qaçan dustaqlardan biri Əli Ağami də var.

Bəhruz Abdullayevə CM-in 308 (vəzifə səlahiyyətlərindən sui-istifadə) və 179-cu (mənimsəmə), digər təqsirləndirilənlərə isə 304-cü (həbs yerindən və ya mühafizə altından qaçma) maddəsinin müxtəlif bəndləri ilə ittiham verilib.

İş üzrə daha bir nəfər axtarışdadır.

Şirvan şəhərində 2015-ci ildə iki nəfərin ölümünə görə ittiham olunan Əli Ağami və Etibar Məmmədova dövlət ittihamçısı məhkəmədə 19 il azadlıqdan məhrumetmə cəzası istəmişdi. Bundan sonra məhkəmədən Bakıya qaytarılarkən onlar səhərə yaxın Biləcəri dəmiryol stansiyasında qatardan qaçmışdılar.

29 yaşlı Əli Ağami hadisədən üç gün sonra elə Şirvan şəhərində saxlanılıb. Etibar Məmmədovsa 10 gün sonra əməliyyat nəticəsində öldürülüb.

скачать dle 10.6фильмы бесплатно

FACEBOOK ŞƏRH

SON XƏBƏRLƏR

ÖLKƏ İÇİ