SON DƏQİQƏ

Nərimanovda “9 noyabr – Azərbaycan Dövlət Bayrağı Günü” qeyd olundu

Tarix:8-11-2017, 15:21

07 noyabr 2017-ci il tarixdə Nərimanov Rayon İcra Hakimiyyətinin və Rayon Gənclər və İdman İdarəsinin birgə təşkilatçılığı ilə Nərimanov Rayon İcra Hakimiyyətinin iclas zalında "9 noyabr – Azərbaycan Dövlət Bayrağı günü” münasibəti ilə Nərimanov rayonunda yerləşən orta ümumtəhsil məktəblərinin şagirdləri arasında "Mənim bayrağım” adlı şeir, inşa – yazı və rəsm müsabiqəsinin mükafatlandırma mərasimi keçirilib.
Tədbirdə Nərimanov Rayon Gənclər və İdman İdarəsinin, Yeni Azərbaycan Partiyası Nərimanov Rayon Təşkilatının sədr müavini Nəcəf Novruzov, 2016-cı il aprel döyüşlərinin şəhidi Mahir Mirzəyevin atası Sabir Mirzəyev, 57 saylı tam orta məktəbin direktoru Gülnarə Cəfərova, 45 saylı tam orta məktəbin direktoru Nəcibə Axundova, Azərbaycan Kooperasiya Universitetinin Mətbuat Xidmətinin rəhbəri, Tələbə-Gənclər Təşkilatının sədri Tamerlan Əkbərov, "Təfəkkür” Universitetinin Tələbə-Gənclər Təşkilatının sədri Sakit Orucov, Bakı Humanitar Kollecin Tələbə-Gənclər Təşkilatının sədri Şəfiqə Hənifəyeva, Bakı İdarəetmə və Texnologiya Kollecin Tələbə-Gənclər Təşkilatının sədri Elnur Sadıqov və 200 nəfər gənc və yeniyetmə iştirak etmişdir.
Tədbirdə çıxış edən Nərimanov Rayon Gənclər və İdman İdarəsinin, Yeni Azərbaycan Partiyası Nərimanov Rayon Təşkilatının sədr müavini Nəcəf Novruzov, 2016-cı il aprel döyüşlərinin şəhidi Mahir Mirzəyevin atası Sabir Mirzəyev, 57 saylı tam orta məktəbin direktoru Gülnarə Cəfərova, 45 saylı tam orta məktəbin direktoru Nəcibə Axundova, Azərbaycan Kooperasiya Universitetinin Mətbuat Xidmətinin rəhbəri və Tələbə-Gənclər Təşkilatının sədri Tamerlan Əkbərov tədbir iştirakçılarını "9 noyabr - Dövlət Bayrağı Günü” münasibətilə təbrik etdilər və xalqımızın müasir cəmiyyət qurmaq, demokratiyanı inkişaf etdirmək istəyinin, türk mənşəyini, islam sivilizasiyasına mənsubluğunu ifadə edən milli ləyaqət simvolumuz olan Azərbaycan bayrağını başı üzərində uca tutmağın, vüqarla dalğalandırmağın hər bir azərbaycanlının borcu olduğunu söylədilər.
 Nərimanovda “9 noyabr – Azərbaycan Dövlət Bayrağı Günü” qeyd olundu
 
Natiqlər Azərbaycan Respublikasının üçrəngli Dövlət bayrağının ilk dəfə 1918-ci il noyabrın 9-da Azərbaycan Xalq Cümhuriyyəti Höküməti tərəfindən qəbul edildiyini, ikinci dəfə xalqımızın ümummilli lideri Heydər Əliyevin təşəbbüsü ilə 1990-cı il noyabrın 17-də Naxçıvan Muxtar Respublikasının dövlət bayrağı olaraq təsdiq edildiyini, 1991-ci il fevralın 5-də isə Azərbaycan Respublikasının Ali Soveti "Azərbaycan Respublikasının Dövlət bayrağı haqqında” Qanun qəbul edərək həmin bayrağı Dövlət bayrağı elan etdiyini, ölkə başçısı cənab İlham Əliyevin isə 9 noyabr tarixinin Dövlət Bayrağı Günü kimi qeyd olunması ilə bağlı 2009-cu il noyabrın 18-də sərəncam imzaladığını söylədilər. O, Dövlət bayrağının milli suverenliyin simvolu kimi ölkəmizin bütün vətəndaşları üçün müqəddəs dövlətçilik rəmzlərindən birinə çevrildiyini, Azərbaycan Xalq Cümhuriyyətinin yadigarı olan bu bayrağın bizim azadlığımızı, milli-mənəvi dəyərlərə və ümumbəşəri ideallara sadiqliyimizi nümayiş etdirdiyini diqqətə çatdırdılar.
Sonda inşa-yazı, şeir və rəsm müsabiqəsində qalib gəlmiş şagirdlər Nərimanov Rayon Gənclər və İdman İdarəsi tərəfindən müvafiq dərəcəli diplom, medal və hədiyyələr ilə təltif olunublar.
скачать dle 10.6фильмы бесплатно

FACEBOOK ŞƏRH

SON XƏBƏRLƏR

ÖLKƏ İÇİ