SON DƏQİQƏ

Alı Alıyevin “15 dekabr” qorxusu

Tarix:20-11-2017, 22:27

Dövlət büdcəsindən ayrılan vəsaitlərin səmərəsiz xərclənməsi, korrupsiya, sahibkarlığa vurulan zərbə, özəl sektorun məhvi

İcra başçısı üçün geriyə dönüşü olmayan mərhələ başlanır


Dünyada son illərdə baş verən siyasi-iqtisadi proseslər fonunda Azərbaycanın da ictimai-siyasi həyatında tam fərqli bir dönəm başlandı. Postneft dövründə ölkənin təkcə iqtisadiyyatı deyil, eləcə də siyasi həyatında islahatlar proqramı həyata keçirilməyə başlandı. İki il əvvəl Azərbaycan iqtisadiyyatının neft gəlirlərdən asılılığını aradan qaldırmaq üçün qeyri-neft sektorunun inkişafına dair tədbirlər planı hazırlandı və xüsusilə də aqrar rayonların icra başçıları qarşısına bununla bağlı xüsusi tapşırıqlar qoyuldu.

Yeni dönəmdə xüsusilə büdcəni rayonlara ayrılan dotasıyadan və "yeyintilərindən" azad etmək üçün kənardan investisiya cəlb edilməsinə xüsusi diqqət ayrıldı. Ötən müddətdə pambıqçılığın, üzümçülüyün, fındıqçılığın və digər kənd təsərrüfatı sahələrinin inkişafına dair xeyli işlər görülsə də, bu sahədə problemlər qalmaqdadır.

Prezident İlham Əliyev bu ilin iyul ayının 12-də Nazirlər Kabinetinin geniş müşavirəsində ölkə iqtisadiyyatına özəl sərmayələrin artırılmasının vacibliyi haqda danışaraq icra başçıları qarşısında konkret müddət qoydu.

Prezident çıxışında demişdi ki, özəl sərmayənin cəlb edilməsi üçün təkcə mərkəzi icra orqanları məhsuliyyət daşımırlar: "Xüsusilə bölgələrdə investisiyaları cəlb etmək üçün icra başçıları gərək fəal olsunlar. Bəzi yerlərdə bu fəallıq, nəticələr var, amma bəzi yerlərdə bu fəallıq yoxdur, biganəlik var".

Dövlət başçısı konkret olaraq icra başçılarına vaxt da vermişdi. "İlin sonunda - dekabr ayında Prezident Administrasiyası və İqtisadiyyat Nazirliyi mənə məlumat, siyahı verməlidir ki, hansı rayonda nə qədər özəl sərmayə cəlb olunub. Hər bir icra başçısının işinə, o cümlədən bu göstəriciyə görə qiymət veriləcək. Bir daha deyirəm ki, dekabrın 15-də mənə geniş arayış təqdim edilsin və ondan sonra həm yüksək qiymət veriləcək, həm də cəza tədbirləri görüləcək", deyə, prezident xəbərdarlıq etmişdi.

"Gündəm Xəbər”ə daxil olan məlumata görə "15 dekabr arayışında” adı qara siyahıda olan icra başçılarından biri də Füzulinin icra başçısı Alı Alıyevdir. Son illər haqqında şikayətlərin ardı-arası kəsilməyən, adı müxtəlif korrupsiya qalmaqallarında çəkilən, xüsusilə rayonda sahibkarlara divan tutduğu üçün daha çox tənqid olunan Alı Alıyevin bu dəfə cəzalandırılacağı şübhə doğurmur.

Xatırladaq ki, icra başçısının iş adamlarına divan tutması, sahibkarlığın inkişafı məqsədilə ayrılan subsidiyaların mənimsəməsi barəsində hələ illər öncədən medyada çoxsaylı informasiyalar yayılır. Həmin məlumatlarda Füzuli rayonuna ayrılmış milyonlarla manat dövlət vəsaitinin mənimsənilməsi, əvəzində isə kənd təsərrüfatının kağız üstündə inkişaf etdirildiyi öz əksini tapıb.

A.Alıyev rayonda əkilən arpa və buğdadan qeyri qanuni yolla milyonlarla vəsait əldə etdiyi də verilən məlumatlar sırasındadır.

Bildirilir ki, biçilmiş arpa və buğdanın itkisiz yığılması üçün "operativ qərargah” yaradılır. Taxıl biçilib sahədən gələn kimi ucuz qiymətə nəğd pulunu ödəyib 13-15 qəpiyə alır, dövlətə 25 qəpiyə satırlar. 100 tonlarla arpa və buğdanın qiymətindən xeyli miqdarda vəsait əldə edilir. Beləliklə də Füzuli camaatının 1001 əziyyətlə və zəhmətlə başa gətirdiyi məhsul icra başçısı və adamları tərəfindən mənimsənilir. Halbuki, süni maneələr yaradılmazsa kənd zəhmətkeşləri özləri daha çox qazanmaq imkanına malik olarlar.

Rayonda pambıq yığımının da ürəkaçan olmadığı barədə məlumat verilir. Pambıq yığımı ilə bağlı Statistika Komitəsinin oktyabrın 31-də açıqladığı rəsmi məlumatda da bunu bir daha təsdiq edir. Ölkə ərazisində 31 oktyabra qədər 44 min tondan artıq pambıq tədarük edilib. Bu da ötən ilin müvafiq dövrü ilə müqayisədə 2,8 dəfə artım demək olsa da, Ağsu, Göyçay, Hacıqabul, Cəlilabad, eləcə də Füzuli rayonunda pambıq yığımında ən aşağı məhsuldarlıq qeydə alınıb.

Rayonda sahibkarların vəziyyəti də ürəkaçan deyil. Redaksiyamıza danışan rayon sakini bildirir ki, A.Alıyevin yerli sahibkarlara tutduğu divandan sonra heç kim cürət edib Füzuliyə yatırım etmir. Doğrudur, prezidentin çağırışından sonra bir neçə əslən rayondan olan sahibkar Füzulidə iş qurmaq istədi, amma onlara elə "toy” tutdular ki, güclə başlarını götürüb qaçdılar.

Xatırladaq ki, mütəmadi olaraq dövrü mətbuatda Füzulidən olan sahibkarların ölkə başçısına ünvanladığı şikayət məktubları dərc olunur. Yəqin ki, onları toplamaq mümkün olsaydı bir neçə cild "Şikayətnamə” əmələ gələrdi.

Dövlət büdcəsindən ayrılan vəsaitlərin səmərəsiz xərclənməsi, mənimsənilməsi faktları da var ki, bu məlumatlar PA-da toplanaraq təftiş edilir. Məlumatlarda o da deyilir ki, Hesablama Palatası da büdcə vəsaitlərinin aidiyyəti üzrə xərclənməsi üçün apardığı yoxlamalarda 14 rayonun icra hakimiyyətində külli miqdarda yeyinti faktları aşkar edib ki, Füzuli rayonu bu siyahıda da ilk pillələrdə qərar tutub.

Rayona rəhbərlik etdiyi müddət ərzində Füzulidə korrupsiyanın çiçəklənməsi üçün münbit şərait yaradan A.Alıyevin bu barədə olan dosyesi də zəngindir. Artıq onun üçün geri dönüşü olmayan bir dönəmin başlandığını söyləmək olar. Dekabra isə çox qalmayıb. Qışın soyuq nəfəsi duyulmaqdadır...

Akif
скачать dle 10.6фильмы бесплатно

FACEBOOK ŞƏRH

SON XƏBƏRLƏR

ÖLKƏ İÇİ