www.DOGRU.tv - Onlayn Televiziya » Fakt » "Digər enerji bazarlarında da tariflər artırılacaq" - Bədbin proqnoz...

"Digər enerji bazarlarında da tariflər artırılacaq" - Bədbin proqnoz...

Bölmə: Fakt
"Digər enerji bazarlarında da tariflər artırılacaq" - Bədbin proqnoz...

Tarif Şurasının bu günkü iclasında təbii qaz üçün təsdiqlənmiş illik istehlak həcmi 1500 kubmetrdən 1700 kubmetrə, aylıq elektrik enerjisinin istehlakının həcmi isə 250 kilovat-saatdan 300 kilovat-saata qaldırılıb. Bu o deməkdir ki, normadan artıq qaz istehlak edənlərin illik xərci 20 manat, elektrik enerjisi istehlak edənlərin illik xərci isə 24 manat azalacaq. Xatırlayırsınızsa, Tarif Şurasının qərarəını şərh edərkən, dərc etdiyim "Ədalətsizliyin differensiyası və ya bir daha Tarif Şurasının qərarının fəsadları haqqında" yazıda diferensiallaşma normasın düşgün müəyyənləşdirilmədiyini qeyd etmişdim. Hələ o zaman təklif etmişdim ki, elektrik enerjisi üçün diferensiallaşma norması ailə üzvlərinin sayı ilə əlaqələndirilməli və 2 nəfərlik ailə üçün bu norma 300 kilovat-saatdan başlamalıdır.

Yeri gəlmişkən müqayisə üçün onu da qeyd edim ki, Gürcüstanda da bahalı tarif 300 kilovat-saatdan səviyyəsindən başlayır, Qırğızıstanda aşağı tarifin maksimum norması 700 kilovat-saatdır. Türkmənistanda isə hər ay adambaşına 35 kilovatt, 1 ailə üçün minimal olaraq isə 100 kilovatt elektrik enerjisi pulsuz verilir. Onu da əlavə edim ki, əhali qrupu üçün Qırğızıstanda 1 kilovat elektrik enerjisi 1,1 sent, Qazaxıstanda 4,7 sent, Azərbaycanda isə yuxarı tarif üzrə 6,3 sentdir. Tarif Şurasının qərarına korrektə edərək qaz və elektrik enerjisi üçün differensiallaşma normaları dəyişdiyi halda qiymətlərin sabit saxlanılması onu göstərir ki, digər enerji bazarlarında da tariflər artırılacaq.

Qubad İbadoğlu, iqtisadçı alim