www.DOGRU.tv - Onlayn Televiziya » Cəmiyyət » "Hafka"nın qardaşı da xaricdə futbol klubu aldı


"Hafka"nın qardaşı da xaricdə futbol klubu aldı

Bölmə: Cəmiyyət
"Hafka"nın qardaşı da xaricdə futbol klubu aldı
"Bakı" klubunu prezidenti Hafiz Məmmədovun qardaşı Zeynal Məmmədov Latviyada futbol klubu alıb. Bu, bir qədər əvvəl yaradılmış "Lipeya" klubudur.

Virtualaz.org saytı yerli mətbuata istinadən bildirir ki, bir qədər əvvəl mətbuatda Zeynal Məmmədovun qardaşından ayrılaraq Latviyada trikotaj fabriki alması, biznesini ora köçürməsi barədə xəbərlər dərc olunurdu. Hətta o da yazılırdı ki, “Baglan Group"un prezidenti Hafiz Məmmədovun qardaşı Zeynal Məmmədov biznesini Baltikyanı respublikalardan birinə köçürür. Buna səbəb kimi isə qardaşlar arasında olan narazılıq göstərilirdi.



Dünən isə “Bakı” və Latviya milli komandasının sabiq futbolçusu Maris Verpakovskinin yeni vəzifədə fəaliyyətə başladığı xəbəri yayılıb. Məlumata görə, Məmmədov Marislə çox yaxın dostdur. Klubu almağı da Məmmədova məhz o, təklif edib. Alğı-satqıdan sonra 34 yaşında karyerasını elə "Bakı"da bitirmiş Maris Verpakovski vətəni Latviyada yeni yaradılan “Lipeya” klubunun prezidenti seçilib.

Artıq ilk turda Verpakovskinin klubu “Metta” ilə üz-üzə gəlib və 2:1 hesablı qələbə qazanıb. Məsələnin ən maraqlı tərəfi odur ki, “Lipeya”nın start heyətinə ötən mövsümlərdə Azərbaycan premyer-liqasında çıxış etmiş 3 futbolçunun daxil edilməsidir. Bunlar “Xəzər Lənkəran” və “Rəvan”ın slovakiyalı sabiq müdafiəçisi İvan Pexa, “Qəbələ”, “Rəvan” və “Qarabağ”ın argentinalı keçmiş yarımmüdafiəçisi Kristian Torres, eləcə də “Gəncə” və “Simurq”un latviyalı eks-forvardı Kristap Qrebisdir.

Qeyd edək ki, Maris Verpakovski “Bakı”da 2011-ci il, iyunun 30-dan bu il yanvarın 30-dək forma geyinib. O, Azərbaycan klubuna məhz Zeynal Məmmədovun təkidi ilə transfer edilmişdi.