SON DƏQİQƏ

"Putin bu hadisədən dəli olmuşdu" - “O Kim Çın In-dan da təhlükəli düşməndir”

Tarix:20-11-2017, 21:17

Rusiyada prezident seçkilərinə 3 aydan bir az çox qalıb. Indiki prezidentin yenidən dövlət başçısı seçilməsi yəqin ki, heç kimdə şübhə yaratmır. 19 illik (baş nazir olanda da faktiki ölkənin Putin tərəfindən idarə olunduğu məlum məsələ idi) hakimiyyət dövrünə yenidən nəzər salmaq, Putin şəxsiyyətinin xarakterik tərəflərini bir daha göstərmək Azərbaycanda da hər kəs üçün maraqlı ola bilər.

Bu marağı nəzərə alıb Moderator.az dünyaca məşhur Brayan Qlin Uilyams və Stiven Orlando Matteonun maraqlı bir təhqiqatın sonuncu hissəsini nəzərinizə çatdırır. Müəlliflər haqqında yazının sonunda məlumat veriləcək...




5. Putin Ukraynaya soxuldu və  Krımı işğal etdi.

2014-cü ilin martında Putin sərəncam verdi ki, rus hərbçiləri Donetsk vilayətinin ərazisinə girsinlər və Krım yarımadasını da işğal etsinlər. Rusiya hərbçilərinin guya xalq döyüşçüləri adı altında rusdilli əhalinin çox olduğu Donetskə yerləşdirilməsi ukraynalıları Rusiyaya arxa çevirdiklərinə və rusiyayönümlü liderlərini devirdiklərinə görə cəzalandırmaq məqsədi daşıyırdı.

Putin dəli olmuşdu. Kiyevdə etirazçılar Ukraynanın rusiyayönümlü liderini, Ukraynanı Moskva orbitində saxlamağa cəhd edəni devirdi.
Putin məcbur etdi ki,  Moskvanın təsirindən çıxıb Qərblə yaxınlaşma Ukraynaya baha başa gəlsin. Bunun ardınca minlərlə ukraynalı müharibədə həlak oldu, Krım tatarları icmasının nümayəndələri Krımın Moskva tərəfindən işğalına etiraz etdiklərinə görə həbs edildilər, o vaxtdan onları görən olmayıb.

Amma, bu azlıq edirdi. 2014-cü ilin yayında Rusiyanın dəstəklədiyi Donetskdə vuruşan xalq döyüşçüləri Rusiya tərəfindən onlara verilmiş "Buk”zenit raket kompleksi ilə Malayziya sərnişin təyyarəsini vurub, bir anın içində 285 nəfəri - ayrı-ayrı ölkələrin günahsız vətəndaşlarını öldürdülər.
Putin rus hərbçilərinin təyyarə qəzasına aidiyyatı olduqlarını inkar etsə də, rus əsgərlərinin Ukrayna ərazisinə hələ pis silahlanmış rusiyayönümlü xalq döyüşçülərinə yeni silah sistemini göndərməsini təsdiq edən təkzibedilməz sübutlar var.

Müharibə və bədbəxtlik Ukraynanın şərqində hələ də davam edir, baxmayaraq ki, Amerika və Avropa Birliyi Rusiyaya qarşı sanksiyalar tətbiq edib. 2017-ci ilin avqustunda Rusiya Kerç boğazını Ukrayna gəmiləri üçün bağlayaraq onun iqtisadiyyatına böyük zərər vurdu, ona görə ki, o Rusiyanı deyil, Qərbi seçdi.

6. Putinin NATO ilə qarşıdurma siyasəti müharibəyə dönə bilər.

Putinin beynəlxalq normalara açıq hörmətsizliyi onun öz dövlətinin və öz iradəsinə tabe etmək istədiyi  keçmiş sovet respublikalarının sərhədləri ilə məhdudlaşmır. Çox illər ərzində Putin hərbi təyyarələrinə  əmr verirdi ki, NATO ölkələrinin hava məkanını pozsunlar, o dərəcədə ki, təyyarələrin birbaşa toqquşması ilə nəticələnə biləcək təxribatçı manevrlər etsinlər.
Rusiya təyyarələri bir neçə dəfə müxtəlif  bölgələrdə, Şimal dənizindən, Baltikyanından, Arktika və ABŞ sahillərinədək bomba hücumlarını imitasiya  etdi.

Rusiya sualtı qayıqları dəfələrlə NATO ərazisinə soxulub – bir dəfə hətta Rusiya sualtı qayığını Stokholm limanında axtarırdılar. 2016-cı ildə NATO üzvü Litva 160 dəfə rus təyyarələrinin onun hava məkanını pozduğunu qeyd edib. 2015-ci ildə NATO üzvü Türkiyə onun hava məkanını pozan rus hərbi təyyarəsini vurdu. 

Amma, Putinin qarşıdurma siyasəti NATO müttəfiqləri ilə məhdudlaşmır. 2017-ci ilin fevralında Rusiya kəşfiyyat gəmisi "Viktor Leonov” Vircinya sahillərinin 30 kilometrliyində göründü. Bu, açıq təxribat və yeni seçilmiş Amerika prezidentinə bir siqnal idi.

Bu hərəkət, seçkiqabağı kampaniya zamanı Rusiya ilə münasibətləri qaydaya qoymağa sadəlövhcəsinə söz vermiş ABŞ prezidentinə qarşı meydan oxumaq idi. Putinin təhlükəli təxribatları soyuq müharibəni xatırladır və tamamilə mümkündür ki, NATO və Amerika ilə müharibəyə səbəb olsun.  Bunun növbəti sübutu yaxınlarda  Rusiyanın Belarusla keçirdiyi irimiqyaslı hərbi təlimləri oldu. Bu, NATO ilə gələcək  müharibəyə hazırlıq idi. 

7. Putin Suriyada ciddi hərbi cinayətlər törədib. 

2015-ci ilin payızında nə edəcəyi bilinməyən Rusiya lideri Əsəd rejimini müdafiə etmək üçün Suriyaya hərbçilərini göndərməklə bütün dünyanı təəccübləndirdi. Xatırlatmaq yerinə düşər, beynəlxalq ictimaiyyət İran və Hizbullah tərəfindən dəstəklənən Əsəd rejiminin şəhərin dinc sakinlərinə zarinli bomba atmasını qınamışdı. Bombaların hara gəldi atılması Qərbi dəhşətə gətirmişdi.
Əsəd Cenevrə konvensiyasının tələblərinə məhəl qoymadı və əgər o "qırmızı xətti keçərsə” və kütləvi qırğın silahından öz xalqına qarşı istifadə edərsə Obamanın Əsədə hücum edəcəyi ilə bağlı hədələrini də vecinə almadı.

Amma, 400 mindən çox adamın ölümünə səbəb olmuş konfliktin diplomatik yolla nizamlanmasına olan bütün ümidləri,  Putin Suriyanın qərbinə 5 mindən çox əsgərini göndərəndə bir an içində dağıldı. Bundan sonra sülh danışıqlarından söhbət belə getməzdi.
Rusiya MİQ-lərinin və  ağır strateji "Tupolev” bombardımançıların dəstəyi ilə Əsəd rejiminin gücləri hücuma keçdilər.
Mərkəzi Kəşfiyyat İdarəsi tərəfindən dəstəklənən Suriya azadlıq ordusu Amerikaya müraciət edərək xahiş etdi ki, onlara zenit silahları versin, çünki Rusiya təyyarələri onların başına bomba və qanadlı raketlər tökürdü. Amma, Rusiya ilə açıq konfliktə getməmək üçün həmin silahları onlara vermədi.
MKİ tərəfindən hazırlanan Suriya azadlıq ordusunun döyüşçüləri ilk vaxtlar Rusiyada istehsal olunmuş Suriya tanklarını MKİ tərəfindən onlara verilmiş tank əleyhinə TOW raketləri ilə vurmağın öhdəsindən uğurla gəlirdi, amma elə ki, Rusiya döyüş vertalyotları Mİ-24 istifadə olunmağa başlandı, üsyançılar İdlibdə məğlubiyyətə uğradı və Hələbə çəkildilər.

2016-cı ildə iranlılar və Rusiyanın dəstəklədiyi hakimiyyət qüvvələri Suriyanın qərbində üsyançılara qalib gəldi. 
Amma, əgər fikirləşirdilər ki, bura onlar üçün təhlükəsiz yer olacaq, yanılırdılar, çünki Rusiya şəhərləri necə məhv etmək metodlarını yaxşı mənimsəmişdilər.
Vaxtilə rus hərbi hava qüvvələri  Qroznını "Qafqaz Xirosiması”na çevirdikləri kimi  Hələbi də ruslar eyni qaydada məhv etdilər, Cenevrə konvensiyasının qadağalarına baxmayaraq, dinc əhalinin yaşadığı yerlərdə dağıdıcı silahlardan istifadə etdilər. 
"Tupolev” bombardımançıları bütöv rayonları xalça üsulu bombalayır, Xəzər dənizindən qanadlı raketlərlə hədəfləri vurub  onları terrorçular adlndırırdılar. 
Nə qədər faciəli olsa da, yaralılarla dolu xəstəxanalar hər dəfə rus təyyarələrinin mişeninə çevrilirdi.
Amma Putin bütün dünyanın mühakiməsinə qulaqlarını kar etmişdi və Hələb də Qroznı kimi xarabalığa çevrildi. Buna görə Putin "şəhər dağıdan” ləqəbi alıb.

8. Putin ABŞ-ın demokratik seçkilərinə hücum etdi.

Öz ölkəsində demokratiyanı qəddarcasına məhv edəndən sonra Putin Amerika demokratiyasına hücum etdi. Rus xakerlərin hərtərəfli kiber hücumlarının köməyi ilə " Amerika demokratik proseslərinə ictimai inamı sarsıtmağa” cəhd etdilər.
Rus xakerlər seçkilər zamanı Hillari Klinton haqqında feyk xəbərlər yayır, irqi nifrət yartmaq məqsədilə Feysbukda statuslar paylaşırdılar. 
31 oktyabr 2016-cı ildə Obama tələb etdi ki, Putin seçkilərə müdaxilə etməsini dayandırsın və xəbərdar etdi ki, əks halda o”ağır nəticələrlə” üzləşəcək. Amma Putin Obamanın bu xəbərdarlığına məhəl qoymadı və öz təsir kampaniyasını davam etdirdi. 

Bu presedenti olmayan müdaxilənin məqsədi Trampın Ağ Evdə oturmasına şərait yaratmaq idi, çünki Klinton Putinin açıq şəkildə  əleyhinə olan şəxsdir. Respublikaçılar və demokratlar təhqiqat aparılması çağırışları etdilər. 29 dekabrda Obama 35 Rusiya diplomatını ABŞ-dan qovdu və iki diplomatik kompleksi rusların əlindən aldı. Putin də 700 amerikalı diplomatı Rusiyadan çıxardı. 

NƏTİCƏLƏR

Aydındır ki, Putin nə Amerikanın, nə də ABŞ-ın öz ərazisində və dünyanın hər yerində müdafiə etdiyi  demokratiyanın dostu deyil.
Trampın  bu cür adamla ümumi dil tapmaq üçün sadəlövh cəhdlər etməsinə baxmayaraq Putin daha təhlükəli düşməndir, nəinki Şimali Koreya lideri Kim Çın In, çünki onu da qızışdıran, dəstəkləyən Rusiya prezidentidir. Ümumiyyətlə, dünyanın bütün diktatorları, avtoritar rejim sahibləri Putinin dostlarıdır, Putini rejimlərinin əsas dayaqlarından biri hesab edirlər. 
Putin elə prinsiplərin sahibidir ki, onlara qarşı istənilən ABŞ prezidenti mübarizə aparmalıdır.

Məkrli rus avtokrat Amerika və bütün demokratik dünya üçün açıq və ciddi təhlükədir. Putinin əli yüz minlərlə günahsız çeçenin, ukraynalının, suriyalının, Krım tatarlarının və Malayziya vətəndaşlarının  qanına batıb. 
Bizim nəzərimizcə Trampın ABŞ prezidenti kimi Putinə qarşı layiqli cavabı qanadlı raketlərlə Rusiya-Suriya aviabazası "Şayrat”a endirdiyi zərbələr oldu.
 
Bu, Rusiyanın Suriyada törətdiyi hərbi cinayətlərə layiqli cavab idi. Trampın bu qərarı nümayiş etdirdi ki, Putin Amerikanın dostu deyil, əksinə əsas düşmənimizdir.
Vaxt gəlib çatıb! Tramp Putinin aqressiyasının əleyhinə çıxış edən Konqresdən nümunə götürməli,  sülhpərvər  Nevil Çemberlenin maskasını taxmaq əvəzinə, azdanışan Uinston Çerçilin rolunda olmalıdır. 
Və Çörçil olmaq üçün ilk addım kimi avtokratların yalanlarına inanmağı tərgitməlidir.

Tərcümə etdi: İlham İsmayıl

P.S. Moderator.az vəd etdiyi kimi bu təhqiqatın müəllifləri haqqında məlumatı nəzərinizə çatdırır.

Brayn Qlin Uilyams- " Çeçenistan cəhənnəmi”, "Əl-Qayda mifi”, "Krım tatarları. Sovet genosidindən Putin işğalınadək” kitablarının müəllifi. Hal-hazırda islam tarixi üzrə  Massaçuset Universitetinin professorudur. Əvvəllər o Əfqanıstanda  Mərkəzi Kəşfiyyat İdarəsi və Amerika Ordusu üçün işləyib, həm də Rusiyada, Orta Asiya respublikalarında və Qafqazda yaşayıb təhqiqatlarla məşğul olub.
Stiven Metto- Kembricdəki Cambridge Rindge Latin School, Massaçusets ştatında ingilis dili müəllimidir.
скачать dle 10.6фильмы бесплатно

FACEBOOK ŞƏRH

SON XƏBƏRLƏR

ÖLKƏ İÇİ